今年係南京大屠殺發生嘅85周年，據侵華日軍南京大屠殺遇難同胞紀念館公布嘅一則消息，喺國家公祭日嘅前夕，侵華日軍「慰安婦」制度受害倖存者方奶奶去世，享年101歲。
據了解，呢位方奶奶連同另外兩位歐奶奶以及沈奶奶都係今年5月新確認嘅慰安婦制度受害者。喺1939年，呢位方奶奶生完小朋友冇耐就被侵華日軍擄走淪為「慰安婦」。喺八日之後佢成功逃脫拖住傷痕累累嘅身體返回家中後，就發現原本襁褓中嘅小朋友已經餓死，而佢老爺亦都病死，失去一切嘅佢亦都冇辦法再次生育，成為佢一生不能磨滅嘅痛。
隨住方奶奶逝世，目前中國登記在冊在世嘅日軍慰安婦制度受害倖存者已不足20人。
原圖嚟自網絡