正所謂「三軍未動，糧草先行」，喺古代行軍打仗之時，糧食永遠係最重要嘅一個元素。咁中原嘅軍隊自然就會有一套官兵敵送糧草嘅方式，但喺北方打仗嘅蒙古軍隊又係點樣呢？阿史今次就同大家講一講啦！
作為遊牧民族，蒙古人嘅飲食習慣本來就同中原嘅百姓好唔同，佢哋以肉類以及奶類製品作為主要糧食，反而五谷類嘅糧食並唔係佢哋嘅主要食物來源。咁問題嚟喇！肉類嘅存放時間有限，喺戰場之上就算運送都唔方便，咁到底蒙古大軍又可以點算呢？
答案就係將呢啲肉類「壓縮」喇！長年生活喺草原嘅蒙古人一早都習慣以牛羊馬為陪，為咗狩獵可以幾日都唔會返到部落當中。所以，佢哋一早就已經諗到將肉類進行風乾，當牛肉以及內臟當中嘅水分蒸發後，體積就會大幅縮小，而當再次用水煮開呢啲風乾肉，肉體又會好快膨脹，十足十「壓縮軍糧」咁款。據估計，只要將牛膀胱風乾製成袋，就足以放入一隻牛嘅肉，所以當時蒙古軍隊每人都係帶住「一隻牛」上戰場打仗架！
原圖嚟自網絡