尋日就同史友們介紹到蒙古騎兵憑住風乾牛肉，每次出征都可以帶上大量嘅肉乾確保到穩定嘅糧食來源，奠定勝局。而蒙古騎兵除咗會帶大量風乾肉類之外，其實仲會帶上大量母馬同行，到底當中有咩原因呢？阿史今次就同大家講一講啦！
要知道蒙古鐵騎之所以可以橫掃歐亞大陸，蒙古馬絕對係當中嘅關鍵！蒙古馬雖然唔似西方馬匹咁高大，又冇強大嘅爆發力，但佢哋耐力就相當驚人，公馬就當然比母馬有更強嘅戰力。既然係咁，點解蒙古騎兵遠征係會帶同大量母馬同行呢？
可能唔少史友第一時間都會諗係咪為咗可以繼續生產蒙古馬，之不過呢個並唔係最重大嘅原因！母馬喺軍隊中嘅存在係有極多作用，首先如果公馬係用作戰場衝鋒之用，咁母馬就係運輸部隊嘅一環，而佢哋生落嚟嘅小馬未來仲可以充當戰馬之用。
而且，一旦戰事緊張而令到糧食短缺，喺唔殺得公馬嘅情況下，母馬嘅馬奶甚至馬肉都會成為士兵嘅重要糧食來源。更重要嘅係，馬奶本身就有治癒傷口、驅寒嘅作用，喺戰場上嚟講真係重要嘅「藥物」！
原圖嚟自網絡