繼續同史友們介紹世界各地嘅最新考古發現，近日據埃及旅遊暨古物部宣布，埃及考古團隊就喺1座具有3300多年歷史嘅墓地中搵到一批令人相當驚歎嘅黃金文物，阿史今次就同大家講一講啦！
近日喺位於距離埃及首都開羅以南約300公里嘅古城阿赫塔頓，考古團隊就發現到以上嘅墓地。提起呢座古城，可能部分史友都知道佢係由法老阿肯那頓所建造，並且呢位法老係嘗試想改變埃及多神教，轉為對太陽神Aten嘅集中崇拜。至於呢座古城，其實就係阿肯那頓為遷都而特意建造，但喺佢兒子圖坦卡蒙（Tutankhamun）法老取消宗教改革之後，新城市亦都喺法老阿肯那頓離世後而被廢棄。
有住咁樣嘅歷史背景之下，考古團隊就喺呢座特別嘅古城當中搵到3枚戒指，其中一枚仲係刻有「娛樂之神」（god of fun）貝斯（Bes）嘅形象，真係相當新奇！
原圖嚟自網絡