又到聖誕，又到聖誕，今晚係平安夜，之後一連幾日假期，相信史友們都已經安排好晒節目去開心一下。講到聖誕節，以前响香港曾經一個唔少會去嘅地方，就係夜總會喇！
每當提起夜總會，唔少人可能都會諗起有公關小姐陪客人傾計嘅日式夜總會。其實以前香港有好多夜總會係老少咸宜，俾人聽歌睇騷跳舞。好似以前响尖沙咀嘅海洋皇宮大酒樓夜總會、海城大酒樓夜總會等中式夜總會，都會响聖誕節會有聖誕節目同表演，客人就包張枱食飯就可以成日睇表演。响以往一段時間，呢類夜總會係唔少明星都會登台表演嘅地方，好似徐小鳳、羅文、甄妮等巨星都經常登場。所以電影《聖誕快樂》中小鳳响聖誕登場，就絕對唔係編劇作出嚟嘅事。
原圖：電影《聖誕快樂》