早排阿史就同史友們介紹過北京故宮之所以可以六百年屹立不倒，其中一個重要原因係因為當中用咗好多「金磚」鋪設，一座花費咁多時間同金錢建設而成嘅宮殿到底仲有咩神秘之處呢？阿史今次就同大家介紹下紫禁城匾額「正大光明」。
細心嘅史友應該都會留意到，其實喺每月冬至前後，網絡上都會流傳好多紫禁城匾額「正大光明」匾額底下金龍圖發光嘅影片，呢啲影片並唔係通過特效製作而成，而係真實發生架！
乾清宮殿內寶座上方掛住嘅「正大光明」匾額，係由清朝順治皇帝御筆親書，底下仲有五條金龍圖騰，平時睇可能唔會有咩特別，但點解唯獨冬至先至會「發光」呢？原來呢一點係經過古人嘅精密計算！每逢冬至前後幾日，太陽高度角就會係最小，陽光入射方向與地平面嘅夾角喺正午之時就會呈27度，通過地板再反射之後，就會岩岩好令到匾額及五條金龍圖騰「發光」，真係充滿古人嘅智慧！
原圖嚟自網絡