恭喜發財！恭喜大家發財！今日係大年初一，史檔仝人祝史友們身體健康，愈搵愈有。
今日係大年初一，相信唔少史友都去咗拜年，咁阿史又介紹年初一一啲習俗。唔知史友們有無年初一食齋嘅習慣呢？年初一食齋，主要有幾個原因。春節喜慶，殺生不宜，所以都係食齋清心寡慾一下。而且，食齋諧音「食災」（普通話講法），意為食咗「災難災害」，祈求新一年順順利利、平平安安、祛災退窮。
另兩個原因就比較實際，因為大年初一通常都收爐休息唔煮食，而煮肉功夫多，所以就食齋簡單啲。仲有一個原因，就係話由年尾大魚大肉，所以年初一就食得清淡啲，調理下腸胃。咁似乎呢個理由實際好多。
原圖嚟自網絡