今年係兔年，要知道「兔」喺傳統中國文化上嚟講係相當重要，呢種動物由古代開始就已經被視為係吉祥之物，其所代表嘅年份亦都係象徵住希望，所以自古以嚟古人都會製作唔少同「兔」相關嘅器物，除咗有阿史之前介紹嘅「玉兔」之外，其實仲有好多各式嘅器物，阿史今次就同大家講一講啦！
除咗有玉器類型嘅「兔」之外，喺西周嘅車飾當中，古人甚至仲會製作青銅兔，一般就係用於固定車輛位置，係相當重要嘅部位。而如果用於日常把玩，古人亦都有創作出瓷兔，喺唐宋年間呢啲瓷兔就係家長們喺春節以及乞巧等日子送畀小朋友嘅玩具，亦係當時一種特別嘅風俗。
至於喺日常生活當中，「兔」嘅形象亦都融入到古代人嘅衣食住行當中，例如就有以「兔」為形象嘅白瓷以及繪有小兔嘅瓷碟，可見古人係幾咁鍾意呢種動物！
原圖嚟自網絡