最近內地電影《滿江紅》票房大收，不過咁「人紅是非多」，有自稱岳飛後人就話電影《滿江紅》褻瀆咗岳飛民族英雄形象，又話將歷史問題改編得戲劇化，好不滿咁話。
呢啲批評誰是誰非阿史就唔多識評，之但係岳飛被宋高宗同秦檜迫死，咁佢啲子孫命運又如何呢？據《宋史》所載，岳飛有五子，分別為雲、雷、霖、震、霆。而响岳飛被害之後，岳雲就一同遇害，終年二十三歲。而岳雷被流放到雲南，另外兩個兒子岳霖同岳震就被流放到嶺南一帶，岳霆就改姓隱居咗好一段時間。
不過後嚟，岳飛呢單冤案得到平反，特別係宋孝宗時岳飛就成為咗「忠烈臣子」，佢幾個仔都做咗官。好似岳雷就曾任忠訓郎、閤門祗候，贈武略郎；岳霖曾任朝散大夫、敷文閣待制，贈太中大夫；岳震曾任朝奉大夫、提舉江南東路茶鹽公事；岳霆為修武郎、閤門祗候。所以，岳飛當年雖然含冤而死，但佢嘅血脈並無因而中斷。所以依家唔少地方岳姓人士，都會奉岳飛為先祖。
原圖嚟自網絡