繼續同史友們介紹世界各地嘅最新考古發現,「冰箱」同「焗爐」呢啲設施喺我哋嘅認知當中都係現代嘅廚房用具,但史友們又有冇諗過其實喺古代都可能會有類似嘅設計呢?阿史今次就同大家講一講啦!
近日考古團隊就喺伊拉克古城拉格什(Lagash)進行挖掘,結果唔單止搵到一座可以追溯到公元前2700年前嘅酒館,隨住考古發掘工作持續,考古團隊仲喺當中搵到長凳、烤箱及冰箱等等,就連專家都直言呢次發現打破咗唔少認知!
咁點解喺呢個美索不達米亞南部最古老城市會有呢項發現呢?考古團隊就推測呢個場所應該係昔日嘅中產人士聚腳地,閒時古代人都會喺度飲下酒、食下燒魚咁,真係悠閒!
原圖嚟自網絡
評論:
共0 條評論