繼續同史友們介紹香港近期一啲最新嘅文化消息，今年係清華大學建校112周年，而早年嘅清華大學嘅師生唔單止對國家發展帶嚟重大影響，亦都同香港有住唔少密不可分嘅關係，所以就有一個「自強不息 厚德載物——清華大學的人和事」專題展覽舉行，阿史今次就同大家介紹一下啦！
呢個展覽係由康樂及文化事務署與清華大學校史館合辦，選址喺孫中山紀念館展出來自學校珍藏約60餘件（組）校史資料，唔單止會介紹清華大學早期發展，仲會有八位傑出學人就好似梅貽琦、葉企孫、梁啟超、梁思成、陳寅恪、趙元任、朱自清及馬約翰嘅專題資料，真係相當之豐富
而喺呢次展出嘅資料當中，就有1909年朱批賞撥清華園建遊美肄業館劄文、清華學生救國會喺1935年「一二・九」運動中嘅《告全國民眾書》、1940年國立清華大學同意陳寅恪休假赴香港大學任教之信函紀錄等重要史料，絕對值得一睇！
原圖嚟自網絡