近日再次有一個令人傷感嘅消息傳出，原屬東江縱隊港九大隊嘅歐偉明先生喺日前離世，亨年105歲。隨住佢嘅離世，東江縱隊港九大隊嘅中層幹部亦都已經全部離世。
歐偉明早喺1942年初就被委任為港九大隊軍需處副官，佢聯同另一位副官賴全分管稅收、工廠、商店等事務，具體嚟講就係負責管理秘密商店、軍需工廠，促進生產，通過擴大財源而保障到游擊隊嘅各種供給，為持續對抗日軍提供咗一個可靠嘅後盾。
時間去到 1945年，佢就跟隨廣東人民抗日游擊隊珠江縱隊西挺大隊去到廣寧，先後成為綏江下游區分散隱蔽武裝負責人、粵桂湘邊縱隊軍需處主任兼綏賀支隊第一團副團長等職位，而喺戰後佢就代理中共廣寧縣委書記職務，肇慶地區西江支前司令部參謀長、外經委主任等職位，直到1983年離休，長年居住肇慶。
原圖嚟自網絡