尋日就同史友們介紹到岳飛背上刺字其實唔係「精忠報國」，而係「盡忠報國」先啱，之不過大家對呢件事其實仲存在住另一個誤解，事關岳飛背上刺字其實亦都唔係由岳母親手刺，而係有其他原因，阿史今次就同大家講一講啦！
大家對於「盡忠報國」四個字故事嘅理解可能都係源於由岳母所刺嘅版本，之不過刺字呢種手法喺宋朝嚟講其實係一門相當專業嘅手藝，而岳母亦都只係一個普通嘅農婦，極有可能仲係一個文盲，要做到呢件事其實並唔容易。
而喺元明時期其實仲未有岳母刺字嘅故事流傳，喺明嘉靖刊本《大宋中興演義》當中，提起「盡忠報國」四個字嘅典故亦都只係提到武功高強嘅岳飛曾被多次邀請入山為寇，為咗明確拒絕佢就請人喺背上刺「盡忠報國」四個大字，「以示不從邪之意」。雖然演義當中嘅故事並唔可以盡信，但岳母刺字嘅講法真係要去到清朝先至出現，所以當中嘅真實性亦都受到質疑。
原圖嚟自網絡