喺唔少宮廷劇當中，後宮當中嘅妃子似乎都係需要有人攙扶先至可以行到路，可能史友們第一時間諗到嘅原因就係因為佢哋都係受到「三寸金蓮」影響而令到腳部「畸形」發展，連自己行路都有困難。固然呢個係其中一個原因，但其實好多妃子行路要人攙扶其實都係刻意為之，阿史今次就同大家講一講啦！
雖然話就話後宮妃子大多數人都係「三寸金蓮」，但仍然係年紀輕嘅妃子都係可以克服到呢一點。咁到底點解佢哋又需要人攙扶呢？原來喺後宮當中樣樣事情都講究排場，要人攙扶先至行路就係向外界展示自己嘅高貴感，行起路上嚟排場都大啲。
而除此之外，其實後宮嘅妃子身上由頭到腳都有唔少服飾行頭，全部掛晒喺身上都有一定嘅重量，特別係頭上重量級嘅頭飾，體重唔夠嘅都好容易會失重心，咁所以喺「要靚唔要命」嘅原則下，呢啲「頭重腳輕」嘅妃子就需要有人扶喇！
原圖嚟自網絡