歷史上有好多著名嘅武將都係能文能武，為自己嘅國家立下唔少戰功，但到底點解唯獨係得關羽先至會被稱為「武聖」呢？到底呢個歷史人物有咩獨特之處？阿史今次就同大家講一講啦！
手執手揮青龍偃月刀，喺各地嘅關帝廟被奉為「武聖」、「財神」祭拜嘅關羽其實並唔係一開始就有呢啲稱號，而喺經過歷朝歷代帝皇嘅追封先至慢慢形成呢啲稱號，而背後其實都係隱藏咗統治者嘅一啲目的。除咗受到朝廷「力捧」之外，其實民間百姓一直以嚟都相當認同關羽以義致利嘅行為，所以唔少商號、飯店都會供奉關羽。
要知道關羽喺史書當中嘅形象都係以兄弟嘅義為先、民族嘅大義為次，對改朝換代後嘅統治者而言，呢種形象先至有利維繫到成個政權。於是自清朝起，關羽就被追晉「武聖」呢個稱號，同岳飛等抗金名將唔同，關羽地位嘅提升並唔會令民眾聯想起「抗清」，所以喺清朝八個皇帝當中就先後十三次都封諡關羽，令到佢達至「武聖」呢個地位。
原圖嚟自網絡