喺以往如果大家想睇到三星堆嘅文物，可能就真係需要去到三星堆博物館先有可能。之不過，近日喺香港文物探知館就舉行咗名為「金沙之光——古蜀文明展」，當中就展出咗超過七十件嚟自四川金沙以及三星堆遺址嘅珍貴文物，阿史今次就帶大家睇一睇啦！
要知道三星堆以及金沙遺址一直以嚟都係我國重要嘅考古大發現，兩者都出土超過數以萬計嘅珍貴文物，係目前夏商周考古當中數量同種類最龐大嘅遺址之一。今次喺文物探知館舉行嘅展覽展期由即日起去到3月29日，市民就有機會可以近距離睇到73件重點文物，其中更加有14件係國家一級文物，仲有7件係經過文物局特准先至可以參展。喺今次展出嘅文物當中，就有商代嘅銅人頭像、石跪坐人像、蛙形金箔等等都係重點展品。
而更重要嘅係，同場仲會展出7件喺香港出土嘅遠古時代器物青銅劍、石戈、銅矛等等，通過同四川金沙及三星堆出土文物作比對，等大家了解到嶺南古蜀文明一綫牽！
原圖嚟自網絡