繼續同史友們介紹我國最新嘅考古發現，近日山西省考古研究院就公佈長治市潞州區屈家莊唐代墓地考古成果，喺考古過程中團隊就清理出5座唐代、25座明清墓葬之後，並且有豐富嘅文物發現，阿史今次就同大家講一講啦！
早喺2022年4月，山西省考古研究院、長治市古建築保護以及考古研究所就此古墓葬進行發掘，喺清理出眾多墓葬後，考古團隊就明確喺三座唐代古墓M1、M20、M21出土具有明確紀年嘅墓誌，分別係咸通二年（公元861年）、咸通六年（公元865年）、咸通九年（公元868年）。
本來出土墓誌就已經系相當重要嘅發現，但原來喺墓中考古團隊唔單止搵到一批天王、瑞獸嘅泥俑，仲出土到一套完整茶具，當中就包括白瓷執壺、白瓷碗、白瓷茶甌、鐵勺、鐵制茶碾等等，組合相當完整，絕對為研究當地同時期古代喪葬文化提供新例證。
原圖嚟自網絡