喺歷史上唔少武將都會通過收養義子嘅方式令到自己有眾多可用之人，明朝皇帝朱元璋就曾經收養過二十幾個義子，而唐朝嘅安祿山就更加誇張，足足收養咗八千義子。到底安祿山收養咁多義子背後嘅原因係啲咩呢？阿史今次就同大家講一講啦！
要知道對漢民族而言，除咗血緣之外，姓氏亦都代表住緊密嘅關係，就好似立咗戰功嘅武將咁，就會得到皇帝嘅賜姓，繼而令到佢哋對朝廷更加忠心。咁安祿山收養咁多義子又係咩一回事呢？
其實佢背後嘅目的都係一樣，就係想通過呢種僅次於血緣嘅關係將自己同呢班義子聯繫。隨住宰相李林甫死後，安祿山喺朝中就無人能阻，本來佢都想等到玄宗駕崩後再行叛亂，但結果就同楊國忠與群臣不和，最終就只好提早造反。而安祿山所謂嘅八千義子，實際上就係佢喺叛變前精心豢養嘅同羅、奚、契丹降人，個個都係驍勇善戰，有啲就經商有道，所以後來佢呢班義子就可以組成一個有錢又有實力嘅武裝集團。
原圖嚟自網絡