早排就同史友們介紹咗末代皇帝溥儀唔少嘅故事，幼年成為皇帝嘅佢其實有住悲劇嘅人生，對自幼喺宮中長大嘅溥儀嚟講，宮女太監先至係佢嘅親人，喺勾心鬥角嘅深宮當中，亦都令到佢個人成長同埋性格有唔少問題，以下呢樣奇怪嘅習慣可能就係其中之一。
要知道溥儀以2歲之齡就已經登基，雖然係成為咗皇帝，但其實連佢嘅生母蘇完瓜爾佳氏都唔能夠隨便入宮探望佢。喺宮中無依無靠嘅佢唯一依賴嘅就只有乳母王焦氏。由於一個不完整嘅童年，溥儀慢慢就有一種奇怪嘅習慣，就係飯前都一定要食一種「食品」。
溥儀喺《我的前半生》就提過，自己9歲之時都仍未斷奶，每次餐前都必需要食用母乳，甚至仲將母乳當成係開胃菜。而呢件事慢慢就傳到隆裕太后耳邊，為咗顧全皇家威儀，佢甚至仲將溥儀唯一依賴嘅王焦氏趕出皇宮。之不過，直到溥儀長大成人之後，呢個習慣仍然係改唔到，佢甚至仲下令太監到各地採購母乳。對此，溥儀曾經表示「只有在乳娘的懷裡，才能感到一絲的人性」，聽見都覺得有啲悲哀。
原圖嚟自網絡