早排阿史就同史友們介紹過喺美國西部猶他州乾涸河床發現過嘅88個冰河時期人類腳印，而隨住考古團隊進一步嘅研究同分析，憑住呢啲腳印就已經可以進一步了解到美原民生活樣貌，阿史今次就同大家講一講啦！
呢次研究就係由美國康乃爾大學考古團隊所進行，佢哋就喺一次尋找史前篝火痕跡時意外喺一片乾涸河床上搵到有1.2萬年歷史嘅人類腳印。經過進一步分析後，考古團隊就得知呢啲腳印係當時人類光腳踏入淺水泥漿後留下，由成人以及兒童共同組成嘅腳印就係咁樣封存至今。
而憑住呢啲腳印，考古團隊就進一步得到化石以及其他考古細節，並且仲分析出足跡分布、移動方式、人口密度等線索，配合埋固有嘅石器、使用菸草痕跡、鳥類遺骨等等，基本上就可以證實到昔日呢個地方就係一個肥沃沼澤地，並且仲係北美原住民肖肖尼族嘅居住地，真係相當有意思嘅過程！
原圖嚟自網絡