近日丹麥國會就通過咗一項相當具有爭議性嘅法案，即使喺面對國內工會、宗教人士以及經濟學家嘅示威抗議、強烈反對之下，國會仍然都係決定廢除一個具有300幾年歷史嘅宗教節日，呢個節日就係基督教節日「大祈禱日」(Great Prayer Day)。
追查返呢個節日喺丹麥自 17世紀以嚟已經存在嘅基督教節日，可追溯至1686年。由於呢個係一個喺復活節後第四個星期五嘅法定假期，客觀上就會為民眾帶嚟一個長假期。於是國會為咗可以增加稅收、增加國防預算，就通過咗喺2024年廢除呢個假期，咁到時商店及其他商業活動仍然運作之下，就會為庫房帶來約30億丹麥克朗（即係大概33億港元）嘅收入，咁就可以將呢筆收入用喺軍費開支上。
就係咁樣，一個宗教嘅節日就咁被取消，目的就係為咗增加軍費，唔知史友們又點睇呢？
原圖嚟自網絡