近日就有一則破天荒嘅消息傳出，就係韓國政府正式公布嘅解決二戰時期勞工對日本企業索賠問題嘅方案，而呢次第三代嘅方案好大機會可以成功達成，阿史今次就同大家講一講啦！
其實呢個所謂嘅賠償方案並唔係直接由日本政府作出賠償，而係由韓國政府下屬基金會透過從韓國公司籌集捐款，代日本有關企業支付賠償金。要知道喺日韓之間以往係有住唔少新仇舊恨，由1910年至1945年日本佔領朝鮮半島期間就多次強迫朝鮮人勞動、強迫婦女成為慰安婦，而呢次涉及嘅強徵勞工就係發生喺二戰時期。
對於呢個方案，日本政府就表示將會繼承兩日1998年發表嘅《21世紀韓日新夥伴關係共同宣言》，共同克服不幸歷史。但呢個講法韓國嘅民眾就唔收貨，紛紛都認為係相當屈辱嘅一個解決方案，並且佢哋唔排除會有進一步示威、抗議行為，唔知史友們又點睇呢？
原圖嚟自網絡