繼續同史友們介紹我國現存嘅一啲珍貴歷史文物，以往都同唔少史友介紹咗同古代男性帝皇相關嘅文物，但同女性皇帝相關嘅文物似乎就冇乜介紹到，咁就同大家講一講與武則天相關嘅文物啦！
今次要介紹嘅呢件文物喺我國現存嘅文物嚟講真係可以話係絕無僅有，事關呢件文物係中國歷史上唯一一位女皇帝、中國現存唯一嘅古代金簡——武則天除罪金簡。要知道早喺唐五代年間，唔少帝王就已經流行用簡作為祈福禳災信物，當中就有金、銀、銅、玉等質地，而武曌金簡係中國已發現唯一金簡，可見呢件文物係幾咁珍貴嘅存在。
呢件咁罕見嘅文物係喺1982年5月21日登封市唐莊鄉王河村農民屈西懷喺嵩山峻極峯採集草藥，意外喺祭壇「登峯壇」石縫中發現，現藏於河南省博物館。而喺呢件文物之上，就只有正面鐫刻雙鈎文字63個，內容為武則天乞三官九府除罪，並有「太歲庚子(700年)七月甲寅」紀年，真係相當之犀利！
原圖嚟自網絡