近日又有一則令人婉惜嘅消息傳出，就係本身係歷史建築嘅龍虎山環境教育中心因為為期15年嘅合作計劃完結，即將就會暫停對外開放，至於幾時重開暫時就冇具體嘅日子。
龍虎山環境教育中心早喺2008年成立，係一個由香港大學以及環保署共同訂立為期15年嘅項目。而呢個教育中心前身就係於1890年落成嘅薄扶林濾水池附屬平房， 喺濾水池建成之時，呢個地方係專門派駐看守員入住以保護水務設施，而成個建築群就有一幢一級，以及兩幢二級歷史建築組成。
喺成為龍虎山環境教育中心之前，呢個建築群由80年代起就係被改用為政府宿舍 ，直至2008年先至改為現有用途。龍虎山環境教育中心喺15年間都為市民帶嚟各種自然環境、歷史古蹟嘅教育，呢次重整真係唔知幾時先可以再見面！
原圖嚟自網絡