要知道呢次外交大成功有幾高難度，就要介紹下伊朗同沙特阿拉伯呢兩個國家嘅恩怨。伊朗同沙特阿拉伯雖然都係伊斯蘭國家，但佢哋分別係唔同嘅伊斯蘭教派別。响伊斯蘭教派當中主要有什葉派同遜尼派，遜尼派大約百分之八十五的穆斯林人口比例，而什葉派就佔百分之十至十五左右。雖然兩派都係信奉伊斯蘭教，但兩派嘅意識形態、宗教習俗等都有所不同，最大嘅分歧就係兩派對伊斯蘭教創始人穆罕默德嘅繼承人係邊個。遜尼派就認為穆罕默德最親近嘅夥伴阿布·伯克爾先係繼任人，但什葉派就視穆罕默德女婿兼堂弟阿里係佢嘅真正繼承人，「什葉」最早的意思就是指「阿里黨派」。簡單而言，遜尼派係主張繼承人應根據資歷、威望選舉產生，而什葉派就認為繼承人依照血統而定。而响觀念上，兩派都好唔同，例如什葉派認為教長（伊瑪目）係穆斯林同真主之間嘅中介，所以伊瑪目嘅話同《可蘭經》一樣有絕對權威，但遜尼派就覺得伊瑪目並唔係人同真主之間嘅中介。政治制度方面，遜尼派主張政教合一，什葉派就主張政教分離。

自從穆罕默德創立伊斯蘭教以來，各派系爭鬥基本上無停過，什葉派同遜尼派之間嘅對抗沿續千年。沙特阿拉伯係遜尼派主政嘅伊斯蘭國家，而伊朗就係由什葉派主政，所以呢兩個國家關係一直都唔太好，好似前幾年沙特阿拉伯處決咗什葉派傳教士，伊朗首都德黑蘭就有大批什葉派信徒衝擊沙特大使館，搞到沙特要求伊朗大使離開沙特。所以今次中國促成兩國復交，都真係史上一次外交大成功。

原圖：xinhuanet