提到古代嘅婚姻制度，大概可以用以下呢幾組詞語嚟做總結，就係「父母之命，媒妁之言」、「明媒正娶」以及「盲婚啞嫁」。咁到底喺古代嘅封建社會當中，女子又有冇機會可以自己挑選丈夫呢？
其實喺大多數嘅朝代當中，「父母之命，媒妁之言」都係最重要嘅一環，一旦古代女子冇遵從呢條規例，都會被冠上淫奔、野合之名，可見父母喺古代婚姻當中嘅角色係幾咁重要。
咁到底古代女子有冇可能自行挑選自己嘅丈夫呢？答案其實係有可能嘅，但要視乎係咩朝代喇！如果女子身處唐朝，咁佢哋平日就已經可以喺節慶時外出結識他人，而當媒人婆為佢哋婚事牽線之時，父母係會想盡方法令佢哋可以見到未來嘅丈夫一面，而女子自己亦都可以發表意見。一旦真係成婚而雙方都覺得唔合適，唐朝係容許女性通過《放妻書》提出離婚，相對其他朝代嚟講真係好開放！
原圖嚟自網絡