嘩嘩嘩，今年喺香港故宮文化博物館舉行嘅展覽真係精彩不斷，近日又有一個名為「金彰華彩──香港故宮文化博物館與夢蝶軒藏古代金器」舉行，到底喺呢個展覽當中可以睇到幾多件古代中國嘅金器？阿史今次就同大家講一講！
近日「金彰華彩──香港故宮文化博物館與夢蝶軒藏古代金器」展覽就正式舉行，作為首個以本館館藏為主嘅特別展覽，呢次就展出咗200幾件由私人收藏家「夢蝶軒」主人盧茵茵與朱偉基所捐贈及收藏嘅古代中國金器 ，當中唔少更加係超過3000年歷史。
咁到底呢啲古代中國金器又有咩特別呢？呢批金器當中唔少都係嚟自歐亞草原、吐蕃和中原地區嘅黃金飾物，唔少更可以追溯至公元前18世紀，例如就有公元7世紀吐蕃金鑲綠松石嘅覆面、明朝嘅雙龍戲珠紋樑冠，以及是吐蕃木、漆、金器「騎射武士飾牌」、公元前4至3世紀黃金工藝品「動物紋冠」等等，都係精品當中嘅精品，有興趣嘅史友真係要把握機會去睇一睇喇！
原圖嚟自網絡