嘩嘩嘩，呢單新聞對於英國大英博物館以及其他強佔他國文物嘅歐洲博物館嚟講真係一個直線抽擊啊！事源就係梵蒂岡日前宣布會遵照教宗方濟各承諾，將3塊巴特農神殿雕塑碎片歸還畀希臘，並且明言希望通過呢個方式可以「點醒」大英博物館，敦促其盡快與希臘當局磋商歸還文物。
希臘巴特農神殿係現存最重要嘅古典希臘時代建築物，而神殿當中嘅雕塑及碎片有過半數係藏於英國大英博物館，其餘多數散落歐洲各地，要令到呢啲碎片重新聚集起嚟，似乎都係一件遙遙無期嘅事。
今次梵蒂岡交還嘅雕塑碎片其實已經收藏咗近200年，係方濟各兩年前訪問希臘時承諾早日將其歸還，雙方先至可以達成呢次合作。之不過，雖然梵蒂岡開咗呢次先例，但由於英國早年頒布《大英博物館法》，嚴格限制向文物來源國歸還殖民時期劫掠文物藏品，所以想通過呢種方式「點醒」大英博物館似乎都仲係好困難。
原圖嚟自網絡