今日係4月1日愚人節，但對整個大中華圈子嚟講，2003年嘅4月1日，大家鍾情、寵愛嘅巨星「哥哥」張國榮自殺身亡。
出生喺1956年嘅「哥哥」，喺1977年憑住《American Pie》一曲喺亞洲業餘歌手大賽獲香港區亞軍而正式出道。最初佢演咗好多電視劇同電影，不過人氣一般，直至1983年憑住第二張粵語唱片《風繼續吹》而嶄露頭角，後來喺1984年更加有《Monica》呢首歌令佢開始大紅大紫。
全盛時期嘅「哥哥」，响各大頒典禮上嘅上台常客，好多金曲都今日都係家傳戶曉嘅經典。除咗唱歌勁，佢响影壇亦取得輝煌成就，演過好多令人難忘嘅角色，包括《英雄本色》宋子傑、《倩女幽魂》寧采臣、《胭脂扣》十二少、《阿飛正傳》阿飛、《霸王別姬》程蝶衣、《家有囍事》常騷等等，都係深入民心嘅角色。近年唔少佢昔日响台上表演嘅英姿，完全展現出巨星風範。
唔經唔覺，呢位天王巨星離開咗大家已經20年。
原圖：《阿飛正傳》劇照