對於生命嘅終結、未知嘅死亡，無論係古代人定係現代人都係相當忌諱，而古人甚至仲相當忌諱「死」呢個字。咁到底可以點樣表達到「死亡」嘅意思又唔直接道出呢個詞呢？一代梟雄同時都係一位出色嘅文學家曹操就有以下呢個方法。
相信史友們都知道曹操嘅成就唔單止喺軍事之上，喺文學史上佢都有好出色嘅表現，佢就曾經寫過一篇名為《軍譙令》嘅文章。呢篇出自《三國志·魏志·武帝紀》嘅文章係東漢末年東漢末年，當中就表達咗佢發動義兵嘅目的以及佢點樣為陣亡將士立廟，撫卹其家屬。
就咁睇呢篇內容，其實係流露住佢對自己遭受戰禍嘅故鄉人民關切之情，而更重要嘅係一句「魂而有知，吾百年之後何恨哉」，意思即係「倘若靈魂有知，我死後也沒有什麼悔恨的了」。呢句既表達頗有尊者嘅氣派，同時喺文學角度上又以「百年之後」委婉表達「死亡」嘅意思，當中既冇「死」字，又畀人一種長壽嘅感覺，難怪會令後人沿用呢個文雅嘅講法。
原圖嚟自網絡