中國國民黨前主席馬英九繼續行程，佢尋日就到達重慶並且到達抗戰博物館展開參觀，喺行程當中語氣一直平和嘅佢，到底點解喺參觀過程中又會痛斥日軍呢？阿史今次就同大家講一講啦！
今次馬英九參觀嘅重慶博物館就係為咗紀念抗戰勝利 60周年而喺「重慶黃山陪都抗戰遺蹟」基礎上修建而成嘅，係我國集抗戰遺址與原生態自然景觀於一體嘅愛國主義教育基地。喺成個景區當中，就有13處文物景點、綜合陳列館以及室外陳列等部分，當中更加係有美國總統特使馬歇爾舊居、宋美齡別墅以及美軍顧問團住址等等，係相當具有歷史價值嘅一個遺址。
而當馬英九對遺址進行參觀之時，博物館導賞員就同佢介紹到日軍喺重慶進行長達六年半嘅大轟炸之時，多達218次嘅轟炸炸死1.19萬人，當中大量死者都係平民，而且成個行為係刻意為之。行程當中語氣一直平和嘅馬英九就突然激動表示「不要講那兩顆原子彈，之前的轟炸，丟的都是燃燒彈。尤其是日本的房子，不是竹子就是木頭造的，所以日本人得到了報應」，唔知史友們又點睇呢？
原圖嚟自網絡