相信史友們都聽講過明朝有過唔少特殊嘅機構，呢啲機構好多時間都係由皇帝直接授權，既可以刺探情報、鏟除間諜，又可以監視文武百官，咁到底喺東廠、西廠、錦衣衛當中，邊個組織先至係最大呢？阿史今次就同大家講一講啦!
先講錦衣衛，原則上嚟講錦衣衛係三個機構當中最先成立嘅一個，前身就係拱衛司以及親軍都尉府，最初出現嘅目的就係作為明太祖朱元璋心嘅私人衛隊，既保護皇帝又會刺探情報、監視文武百官、鏟除間諜，就咁聽都知當時錦衣衛嘅權力係極之大。
錦衣衛最初權力必然就係最大，但隨住明成祖朱棣上台後，佢「始設東廠，命中官剌事」，於是為咗鞏固帝位而生嘅「東緝事廠」就由精英嘅錦衣衛以及朱棣信得過嘅太監出任當中嘅官員。由於要係精英以及皇上親信先可以擔任，負職責又係「訪謀逆妖言大姦惡等」，所以東廠自然就要比錦衣衛權力大。
咁「西廠」同「東廠」比，兩者權力又係邊個大呢？喺明成祖朱棣一直去到明朝中後期，其實呢種時間都係由「東廠」手握大權，但隨住明憲宗為加強特務統治而成立「西緝事廠」起，偵緝範圍自京師遍及全國嘅「西廠」係私自逮捕、拷問、審訊文武大臣，甚至連東廠都可以監視埋，一時之間「西廠」就係站起權力嘅頂峰。但由於「西廠」權力過大引起朝野反對聲連連不絕，最終喺成立五個月後，明憲宗被迫撤銷西廠。
原圖嚟自網絡