提起古代嘅貼身內衣，相信史友們都知道正係近似菱形嘅布片，包圍住胸部以及腹部嘅「肚兜」。呢種古代內衣嘅起源有幾種唔同講法，而其中一個比較有意思嘅講法就係同安祿山有關，阿史今次就同大家講一講啦！
安祿山嘅身份其實係唐玄宗以及楊貴妃嘅乾兒子，但能言善道、工於心計嘅佢實際就充滿野心，喺謀取到一官半職後仍然以臣子多次去拜見楊貴妃，而兩人之間亦都據說有唔少苟且之事。身為安祿山契媽嘅楊貴妃足足大過安祿山二十年，但咁樣亦無阻佢不時喺安祿山陪同下進出行宮、聊天、喝酒，就好似佢哋兩個先至係夫妻咁樣。
咁兩者之間嘅苟且之事又點樣導致「肚兜」出現呢？喺《唐史演義》當中就有提到「祿山與貴妃鬼混一年有餘」，但期間手多嘅安祿山就唔小心以「祿山之爪」抓傷貴妃心口位置，為咗防止畀玄宗識穿，於是佢哋就將一塊布罩到胸前，仲作咗「肚兜」呢個名稱出嚟。
原圖嚟自網絡