講到東漢末三國呢段歷史，相信史友們都知道魏蜀吳三國，其實呢三國時期，响東北就有一個短命政權，維持咗一年左右，能夠响魏國附近出現一個咁樣嘅政權，都真係幾特別。
呢個短命政權就係由公孫淵所創立，公孫淵之父為公孫康，阿爺係公孫度，幾代人盤據遼東。公孫康响公孫度死後繼承遼東太守職位，最出名事蹟就係將前來投奔嘅袁熙、袁尚首級送給曹操。後嚟佢又大破高句麗軍，攻陷高句麗都城，响遼東一帶有相當勢力。至於公孫淵，就迫佢原本繼承遼東太守職位嘅叔叔公孫恭退位，响公元237年，魏派出幽州刺史毌丘儉攻公孫淵，但敗師而回，後嚟公孫淵就自立為燕王，改元紹漢。為咗增強自身勢力，佢仲引誘鮮卑侵擾北方。為咗同魏國對抗，公孫淵仲响東吳稱臣。不過，魏國就派司馬懿聯同高句麗聯合進攻公孫淵，最終公孫淵戰敗被斬首，遼東郡併入魏國版圖。
原圖嚟自網絡