喺6年前，我國中國陝西省文物交流中心與美國費城富蘭克林科學博物館合作，當時就舉辦咗「兵馬俑：秦始皇帝的永恆守衛」展覽並借出咗十個兵馬俑展出。之不過，喺當時就有一位美國男子喺閉館之後偷入展廳，仲將其中一個兵馬俑手指掰斷偷走。
當時館方足足用咗18日時間先至發現兵馬俑被截指，得知消息後中方就表示震怒，而且仲直言喺過去40幾年舉辦過260次文物外展都從未發生過呢種事。受損嘅兵馬俑係少數被成功完全復原嘅兵俑之一，保價高達450萬美元。對於呢次嚴重罪行，呢位名為羅哈納嘅犯人供認不諱，當年更加被控「盜竊和藏匿博物館文物」罪名，最高可判囚30年監禁。
之不過，由於疫情爆發令到中國專家無法赴美作證，再加上陪審團認為受損文物無市場交易價格，對兵馬俑受損部位價值無法達成一致意見等「原因」，法院裁定審判無效，宣布解散陪審團。直至2019年7月，檢方再以「盜竊和藏匿文物」罪名起訴羅哈納，而呢條罪名最高只係判2年監禁以及罰款2萬美元，唔少網民對此都表示相當不滿，認為刑罰過輕，唔知史友們又點睇呢？
原圖嚟自網絡