從藥物、毒品當中獲得快感嘅行為，可能大家都會以為係近代先至出現，但近日一項最新喺《科學報導》（Scientific Reports）當中刊登嘅研究報告就顯示，早喺3000年前嘅西班牙就已經有古人識得自行提煉迷幻藥並且吸食，阿史今次就同大家講一講啦！
西班牙與智利科學家早前就喺西班牙梅諾卡島西南側一處距今3600年前至2800年前埋葬遺體洞穴遺址出土古人毛髮，經過研究同化驗後，竟然喺古人毛髮當中提煉出自植物產生嘅生物鹼成分，成了歐洲最古老服用迷幻藥用藥證據。據了解呢次喺古人毛髮驗出嘅物質藥效相當之強，可能係用於墓穴舉行儀式之時，而使用者身份可能仲係一位巫師。
喺呢次發現嘅古人毛髮當中，毛髮唔止得一位主人，考古團隊仲喺當中搵到3種幻藥物成分包括顛茄鹼（atropine，也稱阿托品）、東莨菪鹼（scopolamine）、麻黃素（ephedrine），呢點亦都反映當時人類已經發現某些植物具有食物以外嘅屬性，真係估佢唔到！
原圖嚟自網絡