話說英國國王查理斯三世加冕儀式將會喺下個月6日喺倫敦西敏寺舉行，到時佢就同連同王后卡米拉乘車金馬車途經林蔭大道、海軍拱門、特拉法加廣場以及白廳。
如果提到呢次儀式，當中最大嘅一個亮點自然就係查理斯加冕所用到嘅金馬車。查理斯三世以及卡米拉喺去程嘅時候就會乘坐2014年為伊利沙伯二世登基60周年而製造嘅鑽禧馬車，至於回程所用到嘅馬車就真係來頭一啲都唔細。呢架金馬車足足有成260年歷史，係威廉四世1831年加冕後，每位英皇都會乘坐。
但由於成架金馬車足足重達4,000公斤，如果要正常拉得郁就需要用到8匹馬先有可能，而且過程中仲非常震盪，所以呢架金馬車又被威廉四世稱為「波濤洶湧大海中的船」，而伊利沙伯二世亦都形容乘坐嘅感覺相當可怕。
原圖嚟自網絡