喺唔少影視作品當中，每逢同秦朝有關嘅劇集，當中無論係皇室成員定宮中嘅下人，甚至係到朝堂嘅裝修風格，都係以黑色作為主調，而唔係其他朝代所用嘅紅色或者金色，咁到底當中有咩原因呢？阿史今次就同大家講一講啦！
喺歷史上，秦朝人確實係崇尚黑色，無論係喺政治會議、國事活動、軍隊服裝、宮殿神廟等方面都用黑色作為主色，除咗因為黑色喺古代中國文化當中係代表住大氣、莊重、沉穩之外，相傳仲係同秦文公有關。
喺《漢書．律歷志》當中就有提到「今秦變周，水德之時。昔文公出獵，獲黑龍。此其水德之瑞。」呢段文字意思大概就係指秦文公早年外出打獵時曾經捕獲過一條黑色龍，而喺五行當中呢種現象就象徵住水德，所以秦國統治者都認為自己係水德，於是亦都選擇返一個五行當中對應嘅顏色，即係黑色。有咗呢個神話色彩嘅故事，喺春秋戰國時期開始，秦國就一直祟尚黑色喇！
原圖嚟自網絡