繼續同史友們介紹我國最新嘅考古發現，近日山西省研究院就公布咗一則最新考古消息，當中就提及到喺長治市襄垣縣發現到一個唔簡單嘅壁畫墓，阿史今次就同大家講一講啦！
據研究所介紹，今次發現嘅古墓係屬於金代嘅壁畫墓，整體就係為仿木結構磚雕壁畫墓，喺金大定十七年(公元1177年)建成，而且內部嘅仿木構磚雕、建築彩繪都保存得相對完好。喺整個墓穴葬當中就分為墓道、甬道、主墓室以及9個洞室，主墓室嘅仿木構磚雕精美、採用磚雕和彩繪相結合嘅手法亦係難得一見。而經過整體白灰打底，喺墓室四周空白地方仲有25幅彩畫繪製「二十四孝」故事，畫中嘅人物更加係栩栩如生，就好似畫咗喺紙上一樣。
而成個墓穴另一個精妙之處就係，主墓室唔單止規模好，仲係同9個洞室巧妙相連，係金代一個最具代表性嘅多代人分室合葬墓，對研究金代長治地區喪葬禮儀、民風民俗等有重大意義。
原圖嚟自網絡