近日就有一則令人傷感嘅消息傳出，有中國「龍芯之母」嘅黃令儀因病逝世，享年86歲。
提起呢位人物可能史友們都略知一二，喺華中工學院畢業嘅黃令儀喺1958年就成功入到清華大學半導體專業深造，兩年後學成歸來就去到母校創辦半導體專業和實驗室，及後仲加入埋中科院計算所。喺佢嘅職業及學術生涯當中，由二極體、三極管、大型積體電路再到中國自主研發設計第一枚CPU晶片都有佢親身嘅見證，甚至喺我國自行研製空間電腦成功問世後，黃令儀同佢嘅團隊亦都研製出性能穩定記憶體並且喺1978年贏得全國科學大會重大成果獎，成個過程就係完完全全由無到有。
而提到佢重大嘅貢獻，絕對係同「龍芯晶片」有關。喺當時美國國際晶片展覽會，黃令儀最大嘅感概就係琳琅滿目非國貨，淚眼漣漣。於是喺 2001年，已經65歲嘅佢決定出山加入龍芯研發團隊成為項目負責人，並且喺2002年成功打造我國首款通用CPU龍芯1號，其後龍芯3號亦都成功面世，仲成為復興號高鐵、殲20等先進軍事裝備嘅「心臟」。
原圖嚟自網絡