話說尋日就係我國嘅航天日，國家航天局以及中國科學院聯合發布中國首次火星全球彩色影像圖，當中我國嘅探月工程總設計師仲表明中國太空人將於2030年之前肯定會踏足月球。會上除咗有呢個重大消息公布之外，火星全球彩色影像嘅命名亦都係重點之一。
喺啟動儀式上，國家航天局、中國科學院就聯合發布咗首次火星探測火星全球影像圖，呢啲影像圖都係通過天問一號任務環繞器2021年11月至2022年7月期間圍繞火星上空284次傳回14,757幅影像而製成，同時發布嘅仲包括東西半球正射投影圖、魯賓遜投影圖、墨卡托投影加方位投影圖等等，可以基本理解到火星表面嘅地型地貌。
細心嘅史友應該都會留意到，喺呢幅圖當中我國甚至仲根據相關國際天文聯合會規則，以西柏坡、天柱山、周莊、鄭集(湖北宜城鄭集鎮、戰國時代楚國首都郢都遺址)、齊都(山東淄博、戰國時代齊國首都臨淄遺址)等等中國人口數少過10萬嘅歷史文化名村名鎮命名火星22個地理實體，意義真係相當重大！
原圖嚟自網絡