繼續同史友們介紹世界各地最新考古發現，近日秘魯科學家就喺首都利馬郊區地下墓穴挖出一具1000幾年前嘅木乃伊，年份就可以追溯到印加時期，阿史今次就同大家講一講啦！
據了解，今次嘅考古發掘工作係由國立聖瑪科斯大學（San Marcos University）旗下卡哈馬基亞（Cajamarquilla）遺址研究計畫展開，喺呢次發掘到嘅地下墓穴當中，呢具有近千年歷史嘅木乃伊生前就係一位青年，專家推測佢就係生活喺距今1100年到1200年前嘅秘魯，當時就係處於利馬（Lima）或伊茲瑪（Ichma）文化發展時期。
而喺發現到呢具青年木乃伊嘅墓穴當中，連帶仲有陶瓷製品、繩索以及一些皮膚以及頭髮，而呢具木乃伊發現嘅地位更加係距離卡哈馬基亞遺址第一具木乃伊僅200公尺，而卡哈馬基亞遺址出土嘅木乃伊就係千年前被獻祭嘅人，到底兩者之間有冇關係？呢點仲需要更多考古發現先可以證實。
原圖嚟自網絡