「三顧茅廬」呢個歷史典故相信史友們都聽過好多次,呢個典故就係出自諸葛亮《前出師表》中講述東漢末年劉備三次到諸葛亮住處請佢出山輔助自己,但到底呢個「三顧茅廬」嘅地點又喺係邊度呢?
近日河南南陽、湖北襄陽齊齊用到「三顧茅廬」嘅發源地作為打響當地旅遊業嘅招牌,但到底邊個地方先至真係發源地呢?喺《出師表》當中就有提到「臣本布衣,躬耕於南陽」,就咁按文字理解就應該會係河南南陽。之不過,東晉嘅史學家習鑿齒就喺《漢晉春秋》當中提出過「亮家於南陽之鄧縣,在襄陽城西二十里,號曰隆中」,所以後來先有「隆中對」嘅講法,單憑史藉嚟講,兩個地方話自己係「三顧茅廬」嘅發源地其實都有道理。
原圖嚟自網絡
評論:
共0 條評論