繼續同史友們介紹世界各地嘅最新考古發現，近日維珍尼亞州考古學家就宣佈，喺當地嘅「第一浸信會教堂」（First Baptist Church）原址成功發掘出三個墳墓，而當中埋葬嘅並唔係普通人，而係19世紀初嘅非裔奴隸信眾，阿史今次就同大家講一講啦！
要知道「第一浸信會教堂」係全美最古老嘅非裔教堂之一，係由1776年殖民首府威廉斯堡（Williamsburg）嘅黑奴以及其他非裔成立，而當時其實政府係會用盡方法去禁止非裔聚集，所以呢個教堂嘅存在一直都係挑戰緊政府嘅法例。而喺教堂嘅用地轉為由博物館「殖民地威廉斯堡」（Colonial Williamsburg）持有後，考古學家就開始對呢片土地進行研究，最終唔單止喺呢個博物館地基搵到教堂地基遺址，而且仲真係發現到墳墓埋葬非裔奴隸信眾，更加印證到喺當時充滿歧視嘅美國，非裔奴隸信眾嘅艱難生活。
原圖嚟自網絡