一個人長命起上嚟到底可以幾誇張？呢一點可能大家都無法想像，但近日日本就有一位超級人瑞慶祝116歲生日，一個人就見證咗日本百年歷史變遷。
日本超級人瑞巽房喺大阪柏原市迎來116歲生日，佢嘅家人以及柏原市長富宅正浩等人都為佢一齊慶祝生日。呢位超級人瑞喺1907年出生於大阪府八尾市，係目前日本以至亞洲在世最長壽者。對於116歲呢個數字，可能史友們並冇咩概念，但其實呢位老人家正正就係親身經歷過明治、大正、昭和、平成、令和5個不同時代，一個人就已經見證晒日本百年嘅歷史發展。
而提到長壽嘅秘訣，呢位老人家就有幾個習慣，年輕嘅時候就會插花以及學習茶道，而另一個嗜好就係食嘢，食親嘅都係糯米糰子、年糕片紅豆湯等甜食，但由於依家身體已經年老，就只係食一啲流質食物。
原圖嚟自網絡