繼續同史友們介紹我國最新嘅特色博物館，尋日就同大家介紹完曹操高陵遺址博物館開館，而其實日前仲有一座具有特色嘅博物館同樣開館，呢座就係全國首個巴文化專題博物館羅家壩遺址博物館喇！
羅家壩遺址博物館位於四川省達州市宣漢縣，其所在之處就係我國目前已知面積最大、保存最完整、文化內涵最豐富嘅巴文化中心遺址之一。羅家壩遺址，總面積約257萬平方米，早喺1999年至今，呢度就經歷過四川省文物考古研究院及相關單位先後對其進行了八次考古發掘，清理東周墓葬250餘座，出土各類文物3000餘件，真係相當豐富。
唔單止文物種類多，羅家壩遺址嘅年份更加可以上溯新石器時代晚期，下延至秦漢時期，足以反映出東周時期呢個區域內族群多樣性，揭示戰國早期以來川東地區民族、文化融合嘅真實圖景。而喺未來，羅家壩遺址博物館更加會同三星堆遺址博物館、金沙遺址博物館和釣魚城古戰場遺址博物館簽訂戰略合作協議，進一步探索巴文化起源。
原圖嚟自網絡