繼續同史友們介紹世界各地文物最新嘅狀況,喺唔少國際級嘅大型拍賣會上,因為大家都相信拍賣嘅物品極有可能係真品,所以好多傳世嘅文物都可以賣到極高嘅價錢。之不過,近日喺美國嘅一個地方小型拍賣會上,同樣都有一件文物拍賣出一個天價!
阿史所講嘅呢件文物就係美國拍賣行William Smith Auctions所拍賣嘅一件乾隆字刻青花抱月瓶。要知道抱月瓶創燒於明代,由於器形圓滑,頸細直附帶雙耳,形似滿月,所以一直以嚟都係瓷器界經典名物。而呢次拍賣嘅抱月瓶底部更加帶有「大清乾隆年製」兩行六字款,所以如果係真品就更為珍貴。
原圖嚟自網絡
評論:
共0 條評論