要知道喺滿清統治之下，其實歷朝都做過唔少行為去令到滿族嘅文化可以喺漢族之間傳播，而喺佢哋入關之後做嘅第一件事就係推行剃髮易服令，以強硬嘅手法宣示統治者嘅權威。之不過，明明先祖推行過剃髮易服令，但作為清朝皇帝嘅乾隆，其實私下係好鍾意穿著漢服？
乾隆私下鍾意穿著漢服呢點，其實並未喺當時嘅朝代廣泛流傳，但喺佢嘅詩作當中，係可以理解到乾隆對漢文化極為尊敬。而喺《弘曆觀荷撫琴圖》當中，就可以見到乾隆身著漢裝，臨湖撫琴嘅場景、《乾隆雪景行樂圖》亦都可以見到佢題詩寫字嘅畫面，呢啲畫作都可以反映乾隆對漢服嘅痴迷。
對一般百姓而言，公然穿前朝衣冠係會株連三族，雖然乾隆身為帝王，自己有特權可以穿著漢服，但實際上佢都唔能夠改變祖宗制度、更改衣冠，所以就只能夠偷偷地穿著喇！
原圖嚟自網絡