嘩嘩嘩，話說就喺日前2023國際棋聯世界冠軍賽當中，我國棋手丁立人就憑個人強大嘅實力勇挫俄羅斯棋手涅波姆尼亞奇，成為中國歷來首位國際象棋男子世界冠軍。而其實呢次比賽真正嘅意義並唔單止係我國棋手拎到冠軍咁簡單，而係中國國際象棋終於完成「四步走」。
丁立人出生喺1992年，佢早喺4歲嘅時候就學習國際象棋，並且喺2009年就已經成為國際象棋男子特級大師。佢憑住喺棋局上嘅思維縝密，計算精確，唔單止喺國際等級分排名中長期穩居第二，更被稱為中國國際象棋第一人。佢早喺2017年、2019年連續兩次奪得國際象棋世界杯賽亞軍，2022年獲得國際象棋世界冠軍候選人賽亞軍，已經創下咗我國棋手喺呢類賽事上最好嘅成績。
作為首次參加國際象棋世界冠軍賽嘅「新人」，丁立人亦都不負眾望成功奪得冠軍，係繼1991年謝軍首奪女子世界冠軍、1998年中國女隊首度奧賽奪冠、2014年中國男隊首次登頂奧賽後，第四個、亦都係最後一個我國國際象棋需要完成嘅一個目標。
原圖嚟自網絡