繼續同史友們介紹世界各地最新嘅考古發現，近日喺學術期刊《科學報告》當中就有一篇由英國倫敦大英博物館Daniel O’Flynn以及佢同事所編寫嘅考古學研究論文，當中就通過使用一種非侵入性成像技術破解到六個密封動物棺木嘅內部，阿史今次就同大家講一講啦！
今次Daniel O’Flynn嘅團隊就運用咗中子層析成像技術掃描咗六個由銅化合物製作而成嘅密封動物棺木，由於呢類棺木以往都係相當罕見，所以研究一直都好難有進展。但通過呢次掃瞄之後，考古團隊通過成像就發現3個棺木頂部有蜥蜴、鰻魚嘅形象以及圓環，第4個棺木就單獨有蜥蜴形象，呢4個棺木都可以追溯至西元前664年-332年。至於另外2個棺木就有半鰻魚半眼鏡蛇加人頭形象，大概可以追溯至西元前650年-250年。
呢次發現當然唔止咁簡單，通過成像考古團隊仲喺棺木當中搵到唔少骨骼，其中一個更加係同完整壁虎頭骨，真係一次相當難得嘅發現！
原圖嚟自網絡